يااني مضيعه ومن زمان ماكتبت لووول عندي كلام كثييير وهذره كثييره بس مادري اول الايام الواحد صعب ينظم وقته عموما بكتب على السريع احداث اول اسبوع في المعهد هي مافيه احداث كثيره لكن اول يوم الحدث اللي ماثر فيني للحين لووول جا استاذ من الاساتذه بيسولف معنا باليوم التمهيدي ومد يده بيصافحني انا بللللمت ماعرفت لا اتكلم ولا اسوي اي شي تناحه بمعنى كلمة تناحه / كل الاسبوع اللي راح ادوره بكلمه ومالقيته :S يارب يكون فاهم  هو كان متحمس وانا مرتبكه لووول

اول يوم ودونا رحله مشونا على المدينه ودونا لاعلى منطقه في برزبن في استراليا صورت صور على السريع

كلاسنا يجنن بصور لكم ديفيد << التيشر حقنا لووول معاي 7 عرب بالكلاس احس بيقلب الكلاس تعلم عربي بدل انجليزي  !!  اصلا المعهد مليان عرب من كل الجنسيات / بس الحمدلله الاجواء حلوه صحيح الدوام طووووووووويل بس يمر بسرعه واهم شي نستفيد ، اول يومين كنت مكتئبه جدا جدا جدا بعدين اليوم الثالث دخلت بالجو الحمدلله بس ياكثر واجباتهم ارجع هلكاااااانه لا اقدر انام ولا اقدر احل الواجب ومن اولها كسل احله بالكلاس من بكرا لاداومت اسال العراقي اللي معاي وش علينا واجب واحله لوووول

 ،، صورت صووور كثيييييييره بشوف لي يوم وانزلها بالمدونه الاجواء هنا روووعه بس الجو نفسه موت حر ورطوبه لووول

يله دعواتكم بكرا يبدا اسبوع دراسي جديد وان شاء الله بحاول ادون اول باول

عهود خفي علي بالتدقيق الاملائي ترا مافيه وقت لووول

 اتوقع هالاحداث ماراح تنتهي وبسوي لها تحديث خلال اول شهر من الغربه ، الاحداث والمواقف كثيره منها المضحك ومنها المبكي ومنها المضحك المبكي !

الموقف الأول نبدا من مطار الملك فهد الدولي في الدمام دخلنا صالة الانتظار باقي 10 دقايق على فتح البوابه وصعود الطائره سالني اخوي عن التذاكر اللي من دبي لبرزبن ، قلت له ماعطيتني الا تذاكر الرحله هذي من الدمام لدبي دورنا بشنطته وشنطتي وطلعنا الاوراق اتصلنا على ابوي نساله ماهي معاه ! طاح قلبي في بطني قعدنا نذكر الله ، تذكر انه رايح يشتري غرض من محل قبل ندخل ع الصاله وقال يمكن نساها عنده ورجع وباختصار حصلنا التذاكر المفقوده ،،،

 الموقف الثاني في مطار سنغافوره قالوا لنا لكم نص ساعه وبتكمل الرحله لبرزبن اخوي قالي بيمر من التفتيش وبيروح جهة المطاعم يجيب لنا شي قلت اوكي انا بنتظر ومعطيني جواله وهو معه جوالين واحد موبايلي وجواله العادي ، فعطاني واحد منهم وكلمت امي طمنتها علينا ، بعدها الناس بدوا يمشون على كاونتر التفتيش لحد مابدت تفضى الصاله والسنغافوريين مررره حاريين جوني وقالوا يله تحركي قلت اني انتظر اخوي قالوا وينه قلت هناك ، قالوا انتي مري ع التفتيش وهو بيجي قلت لهم الجوازات ماهي معي ! قالوا مانحتاجها ! واشيل شنطتي وشنطته اللي تكسر الظهر وادق عليه واحصل الرقم مشغول :S وادق وادق ولازال مشغول ! خفت الرحله تفوتنا ارسلت مسج قلت وينك الناس مشوا ! ووصلني المسج على نفس الجوال اللي ارسلت منه !! يالله مدري هي دلاخه ولا قل سنع لوووول ، ومع الاسف ماعرف رقمه الثاني ، اتصلت ع البيت باخذه منهم وطولت اختي على ماجابت الرقم بدت تنقلني الا اشوف الشيخ جاي يتمخطر :S المهم عدت على خييير

الموقف الثالث اللي ضيق صدري وصلنا مطار برزبن وننتظر شناطنا هي عددها 4 اخذنا الـ 3 وباقي وحده وماباقي شي من الشناط جتنا مسؤولة الجمارك تسال عن الاسم وقالت انوه الخطوط الاماراتيه ارسلوا لهم ايميل انه فيه شنطه لنا مفقوده ! ياربيه المشكله الشنطه فيها كل شي مهم هدايا وذكريات سسجاده صلاة وشرشف و و و ، قعدت تسالنا وش داخل الشنطه بتكتب ريبوت وتعطينا رقم مراجعه قلت لها نسيت كل شي :S بديت اتذكر بس من الخرعه ماتذكرت كل شي وعطيتها اشيا ماهي مهمه وقالوا انتظروا بنتصل عليكم ! اول يوم مر ماتصلوا ثاني يوم اقول لاخوي اتصل يقولي لا خلينا ننتظر هم بيدقون انا كنت بتهور وادق بس خفت مافهم عليهم لهجتهم سريعه شوووي / بعد يومين اتصلوا وقالوا لقيناها وبتوصل اليوم لبرزبن وبكرا بنرسلها ، ولحد كتابة هالتدوينه وانا ماشفتها بعيني الشنطه !

الموقف الرابع اللي مادري شلون اوصفه استغربته صراحه ! كنا نمشي بالسيتي انا واخوي راجعين من المطاعم متغدين ، وكان زحمه جدا وحر مايوصف ، فيه واحد سكران مرينا من عنده وهو جالس قعد يتكلم علي بصوت عالي ويسوي حركات ويضرب برجله مادري وش يبي !! اخوي قالي بهالمواقف ابتسمي ابتسامة لؤوم وامشي ابتسمنا انا واياه ومشينا وخليناه لما وصلنا الفندق سالت اخوي وش قال ؟! يقول انه قال الناس رايحين فيها من الحر وانتي لابسه هاللبس ! قصده العبايه والحجاب ، طيب شدخل امك ياخي ، استغربت انهم يقولون استراليا متقبلين الحجاب وباول يوم صار لي هالموقف طبعا ماأعمم ابد ابد الشعب هنا جدا فرندلي ومايشوفون انك شكلك غريب بالحجاب وباول يوم شفت 4 ملثمات غير المحجبات من شرق اسيا ، لكن هذي حاله شاذه ماشره عليه سكران

الموقف الخامس وماادراك مالموقف الخامس! ثاني يوم في الغربه الصبح اخوي طالع للجامعه بيكمل اوراقه وانا سهرانه مانمت من امس وقلت له بنتظرك ولاتاخذ معاك المفتاح يمكن انزل لما صارت 10 ونص كلمته وقلت له ترا بنام واذا جيت دق علي وافتح لك ، قالي اصلا بطول بمر مكاتب عقار فنمت نوم عميق بس قبل انام كان قلبي مقبوض بس قلت دامي قريت وردي بتوكل على ربي وهو بيكون معي ، استغفرت ربي ودخلت في نومه حلووه ، على الساعه 1 اسمع صوت الباب ينطق وينفتح !!!!!!!!! انفجعت وعلى طول بثانيه وحده قمت وقلت NO NO NO !!!!!!!!!! قالي سوري سوري مسكين انخرررش ، قال ماتبون ننظف الغرفه قلت له NO NO NO THANK YOU !!!!! وانا اصرررخ ! حسيته شوي ويصيح سبحان الله حسيت هنا بفايدة الوورد بثانيه وحده قمت من النوم وتكلمت كذا وهو مامداه يدخل ماشفت الا طرف بلوزته ! “ربي الحافظ” كنت ارجف من الخوف وقتها بعدها تكلموا بالمايك مادري وش قالوا هم يقصدوني ولا مدري وش يبون ! دقيت على اخوي وقلت كذا وكذا دق ع الرسبشن وش شسالفه ! قالي خليهم بس :S الاولاد مررره بارررردين ! قمت وصليت وذكرت ربي وفتحت الباب وحطيت عليه الكرت “SHHHHHHH”

الموقف السادس مايخصني ، يخص ايمان صديقتي اللي مسكينه اكلت هام بالغلط ! من اول يوم لووووووووووول

الله يصبرنا ويطوي سنين غربتنا على خير ويحفظنا ويحفظ لنا يااااارب : )

جد مره احتاج اطير ، كثير اردد “ليتني طير واطير لاضاقت الدنيا علي” وهاللحظه محتاجه هالشي وبقوه ! ياررب ياررب يارررب ياااااااااااااااااااااااااااااارب !

يارب أسالك التوفيق والتسديد في الدنيا والآخره / يارب اسألك الخيرة في اموري كلها / يارب يسر امري

كثير انقد على نفسي بأني أبدا بشي وما أكمله ! ما دري وش السر ؟ هل لأني من مواليد برج الأسد وعادة ما يكونون “ملولين” ؟! هـ الأيام طحت بفن البكسل ! أعجبني الشغل كثير وصرت أدور دروس بكذا منتدى ، يمكن لأني كنت أطرز بنفس طريقة المربعات بالبكسل وكان التطريز يعطي لوحه فنيه رائعة .. ويمكن لأني أدور أي شي يشغلني عن انتظار “الفيزا” المقلق ! عموما هذي بعض تطبيقات لدروس البكسل

نملاتي الحلوين

وهذا كنت جوعانة وسويت لي همبرجر يمي

والسيارات الجميلة     

وسمايلاتي

وسمايلاتي الكيوت
وبحكم البرد سويت رجل الثلج

والأرنوبات

الشغل ع البكسلات مررره ممتع وجدا سهل بس يألم العيون وبس إذا سويت شي ثاني بضيفه أكيد 

السلام عليكم 

مع بداية العام الجديد قررت واخيرا الكتابه في المدونه المنسيه منذ ُ أيام ! لم أعتد الكتابه بهذا الشكل مطلقاً ولكن في لحظة ما احسست باحتياجي لهذه المساحه ، الكتابه بمثابة المرآه لما في ايامي من احداث ومواقف وضحكات وثرثره وبكاء وقصص .. ربما لا تهم كثير من المارين هنا ولكنها بالتاكيد تعني لي الشيء الكثير !

سأكتب لنفسي أولا

“وَجَع” ها هو العام الجديد قد بدأ كوني سعيده بقدر الطهر في قلبك ثقي بذاتك فدائما ماتحققين المستحيل ولاتنسين الثقه بالله قبل كُل شيء ، مرت أعوام فقدتِ فيها الكثير وصُدمتي بالكثير ايضاً ولكن تذكري انكِ لم تخسري بل هم من خسروك ، انطلقي لحياتك الجديده وانسي مامضى وكوني كما تحبين فقط !

وبالتوفيق